تسجيل الدخول

رجاءا .. أدخلى البريد الالكترونى وكلمة المرور

نصائح لجمال العروسة المحجبة

كل عروسة في الدنيا بتحاول على قد ماتقدر إن يبقى شكلها جميل ومميز في يوم فرحها اللي طول عمرها بتحلم بيه، عشان كده بتهتم إنها تعرف كل جديد في الموضة عشان تقدر تبقى أميرة في ليلة عمرها وطبعاً الكلام ده بينطبق على أي عروسة سواء العروسة المحجبة أو اللي مش محجبة، بس المشكلة إن العروسة المحجبة في شويه غلطات بتقع فيها ممكن تبوظ بيها شكلها اللي طول عمرها بتحلم بيه

نصائح للعروس المحجبة عشان يكون شكلها أنيق وحلو ومميز:

طبعاً العروسة المحجبة بتبقى مركزة أكتر على شكل وشها ولفة الطرحة على عكس اللي مش محجبة، دايماً بتكون مركزة على تسريحة الشعر أكتر.

  • أول حاجة محتاجة إنك تختاري لفة طرحة شكلها يكون حلو ومناسب للفستان اللي هتلبسيه وممكن تعملي كده بسهولة جداً، طبعا بتسألي نفسك ازاي؟ هقولك:

هاتي كذا مجلة ليها علاقة بالموضة وطلعي منها أشكال وأنواع الطرح الجديدة وابدأي جربيها على وشك (طبعاً لفة الطرحة ممكن ماتطلعش مظبوطة أوي زي ما هتتعملك يوم فرحك، مش مهم أنتي بتجربي ايه الشكل المناسب ليكي) وطبعاً أي عروسة بتبقى محتارة جداً في شكلها عشان كده مهم إنك تاخدي رأي مامتك، صحباتك أو إخواتك، المهم يكون حد بتثقي فيه وفي رأيه عشان يقولك ايه الشكل اللي لايق عليكي أكتر.

  • حاولي كمان وأنتي بتختاري شكل ولفة الطرحة تكوني ماشوفتيش حد لابسها قبل كده، عشان تضمني إن لفة طرحتك تبقى مختلفة عن أي حد من الحضور.
  • كمان لما تختاري الطرحة لو أنتي وعريسك في نفس الطول تقريباً أو هو أطول منك حاجة بسيطة ماتختاريش لفة طرحة تكون كبيرة أو عالية عشان ما تظهركيش إنك أطول منه، بس لو أنتي أقصر بكتير اعملي لفه عالية والبسي جزمة بكعب.
  • خليكي بسيطة في المكياج واعرفي إن مفيش فرق بين العروسة المحجبة واللي مش محجبة في المكياج الفكرة كلها إن المحجبة بتكون محتاجة تركز أكتر علي مكياج العيون عشان الحجاب بيبقى أصلا محدد وشها فبتبقى محتاجة تظهر جمال عنيها أكتر حاجة، عشان كده ياريت تختاري ألوان هادية ورقيقة.
  • طبعاً التاج حاجة مميزة جداً، فامتفتكريش عشان إنتي محجبة إنك مش هتحطيه، لأ اختاري بس تاج بسيط ورقيق وابعدي عن التيجان الكبيرة أوي، خلي بالك إن لو الفستان أبيض اختاري تاج فضي(Silver) أو أبيض لكن لو الفستان أوف وايت(off-white) ممكن التاج يبقى دهبي، وكمان لو عايزة تبعدي عن الشكل التقليدي للتاج تقدري تختاري التاج اللي بيتكون من الورد.
  • وممكن تختاري اكسسوار للطرحة تحطيه بشكل مختلف زي اللي في الصورة كده بيكون بدل التاج، بس كمان لازم تجربي أشكال لفات الطرح عشان تبقي عارفة هيليق ولا لأ.
  • فستان الفرح طبعا مهم لكل بنت في الدنيا عشان كده لو اختارتي فستان مش متقفل التقفيلة الخاصة بالحجاب ياريت متستسهليش وتلبسي بدي أبيض ضيق أو مطرز تحتيه وخلاص، لأ دوري في أكتر من مكان على قماش ينفع تقفلي بيه الفستان ويبقى لايق عليه طبعاً وخلي ترزي شاطر يقفلهولك، أو كتير بتلاقي محلات فساتين الأفراح عندهم ترزي خاص بيهم عشان التقفيلات ديه.

لازم تعملي أكتر من بروفة على لفة طرحتك ومكياجك لحد ماتستقري على الشكل المناسب ليكي وخليكي هادية وواثقة في نفسك واعرفي إن بساطتك ورقتك هي أساس جمالك وشياكتك في يوم فرحك، وعشان تكمل فرحتك شوفي مقالتنا بوكيه ورد العروسة وكيفية اختياره.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.