موضة الجيبات – موديلات التنانير

موضة الجيبات بتعتبر من احدث صيحات الموضة أو زي ما ستات كتير يعرفوها بإسم ( موديلات التنانير ) اللي مبقاش في ست محجبة أو مش محجبة تقدر تستغنى عنها مش بس عشان موضة الجيبات مريحة وشيك بس عشان كمان في منها أشكال وأنواع كتيرة جدا ممكن أي بنت وست يلبسوها.

في الفترة الأخيرة في بنات كتير بدأت تتجه للتفصيل عشان مبقاش متوفر بشكل كامل المقاسات في كل الأماكن اللي البنت أو الست بتشتري منها خصوصا لما بيبدأ موسم التخفيضات.

طيب السؤال هنا يا ترى موضة الجيبات دلوقتي بقت تقليدية زي زمان بس الضيقة أو القصيرة وخلاص وبنسبة كبيرة جدا سادة ومفيهاش شكل ولا فيها اختلاف؟ لا طبعا دلوقتي بقى في تشكيلة كبيرة جدا في موديلات التنانير أو بمعنى أوضح موضة الجيبات.

وعشان شياكتك تهمنا وهدفنا نساعدك توصلي لأحدث صيحات الموضة جبنالك مجموعة من الصور اللي هتوضحلك أيه أحدث صيحات موضة الجيبات اللي ممكن تلبسيها وتخليكي مختلفة وشيك في نفس الوقت.

في البداية عايزة أقولك إن موضة الجيبات بقى في منها تشكيلة كبيرة أوي وده عشان مصممي الأزياء اهتموا بالموضة دي جدا ومبقتش الموضة واقفة على لبس السواريه وبس.

دلوقتي هتشوفي مجموعة من الصور اللي ممكن تساعدك تلبسي احدث صيحات موضة الجيبات.

الجيبات الطويلة:

الجيبات الطويلة في منها الواسع والضيق ممكن تختاري اللي يناسبك ويناسب استايلك بس احنا بننصحك بالتنويع عشان تبقي ماشية على الموضة.

ده نوع من الجيبات المنقوشة اللي بتعتبر من أحدث صيحات موضة الجيبات وهيناسبك أوي لو نازلة الصبح وعايزة تبقي كاجوال ومختلفة وزي ما إنتي شايفاه ممكن تلبسيه على قميص جينز وبدي سادة مع إكسسوارات مطرقعة.(احدث اشكال الاكسسوارات)

وفي شكل تاني موضة أوي في الفترة دي في موضة الجيبات أو زي ما قولنا قبل كده موديلات التنانير وهيديكي مظهر متألق ومختلف بردوا جيبات طويلة بس واسعة مش ضيقة وفي منها المنقوش والمنقط والمشجر يعني هيبقى عندك فرصة للتنويع زي ما إنتي عايزة.

وفي من موضة الجيبات دي “البليسيه” أو المضلع زي دي كده.

وفي الشكل ده بردوا بنات كتير بتحبه أوي وبترتاح فيه وبيبقى مناسب عشان يظهروا بلوك كاجوال.

وممكن كمان تلبسي الجيبات الطويلة الواسعة في المصيف لو تحبي أو حتى لو نازلة الصبح وعايزة تبقي جريئة، في منها اللي بيبقى شيفون من تحت وهيديكي لوك مختلف.

ومش بس كده في نوعية تانية من موضة الجيبات.

الجيبات القصيرة:

الجيبات القصيرة بتبقى حلوة أوي خصوصا لما تحبي تظهري بشكل رقيق وبسيط، في منها اللي يناسبك لو عندك مناسبة زي دي مثلا.

أو لو عندك مقابلة شغل.

ولو نفسك تظهري بلوك السبعينات بس بألوان مطرقعة ممكن تنزلي تشتري استايل جيبات هتلاقيه في مجموعة الصور اللي تحت.

وطبعا منقدرش ننسى البنات المحجبات في موضة الجيبات، لو إنتي محجبة ايه رأيك تختاري من مجموعة الصور دي الجيبة اللي تناسبك واللوك اللي تحسي فيه إنه هيظهر جمالك وينورك أكتر ويخليكي مرتاحة وإنتي لابساه.

وفي نهاية مقالة انهاردة عايزة اقولك إن شياكتك جزء من شخصيتك ومهم تلبسي على الموضة بس الأهم إنك تلبسي اللي يريحك عشان طول ماإنتي بتكوني مرتاحة في لبسك أو من جواكي ده بيبان أوي على مظهرك وبينقل شخصيتك لكل الناس اللي حواليكي.