مواصفات رجل برج الجوزاء
برج الجوزاء من الأبراج الهوائية وبيبتدي تاريخه من يوم (21 مايو لـ 20 يونيو).
ومميزات رجل برج الجوزاء بتكون:
- بيتقال عليه لقب ملك العلاقات وده عشان ببساطة جدا هو محترف في إنه يتواصل مع الناس ويكون صداقات، وده اللي بيخليه شخصية إجتماعية جدا وبيقدر يتكيف مع الناس بسهولة.
- كمان هو ذكي جدا وعنده سرعة بديهة وبيهتم إن يكون عنده معلومات كتير في مجالات مختلفة.
- دايما بيحب يراجع نفسه ويعمل مقارنة في عقله بين مميزاته وعيوبه عشان يوصل لمرحلة يقدر بيها يدافع عن نفسه.
- وكمان عنده حيوية وإقبال على الحياة وبيحب جدا يعمل حاجات جديدة ومختلفة.
عيوب رجل برج الجوزاء:
من أخطر عيوبه إنه متردد جدا ومش بياخد قراره بسهولة على الرغم إنه بيكون عارف هو عايز إيه، بس بيخاف من نتايج قراراته.
- عنده إندفاع وحماس زيادة في كل حاجة في حياته وبسبب إندفاعه ده ممكن يدخل نفسه في مشاكل كتير.
- وكمان سهل جدا يتوتر ويرتبك لو حصله أي ضغط ذهني.
- كمان هو عصبي وبيكره جدا أي حد يفكره بمشكلة قديمة حصلت.
رجل برج الجوزاء والحب:
- دايما بيتقال عن إنه شخصية ساحرة وصعب أي ست تقاوم سحره وده ببساطة عشان هو بيحب جدا يغازل حبيبته ويعملها مفاجأت رومانسية مميزة.
- بس بالرغم من مشاعره الجميلة دي رجل برج الجوزاء مبيقعش في الحب بسهولة، عشان دايما بيفكر بعقله أكتر من قلبه وبيقدر يخبي مشاعره لدرجة ممكن تخلي الناس تتهمه بأنه متبلد المشاعر، لكن في الحقيقة هو بيحب يفكر في كل حاجة بعقلانيه.
- بيحب جدا يدي لنفسه مساحة من الخصوصية، عشان كده بيحب الست الذكية اللي تقدر خصوصياته.
- كمان بيحب الست المثقفة اللي يقدر يتكلم معاها في كل حاجة وميحسش معاها بأي ملل.
رجل برج الجوزاء والشغل:
- رجل برج الجوزاء في شغله يقدر يعمل كذا مهمة مع بعض وينجح فيهم طول ماهو حاسس بالتحدي ومستمتع باللي بيعمله، لكن لو حس بالملل حماسه وقدرته دي هتقل جدا ومش هيقدر ينجز حاجة.
- كمان بيتميز انه دايما واثق في نفسه وقادر يكون علاقة كويسة بين كل زمايله.
- وطبعا مميزاته الكتير دي في شغله بتخليه من الناس اللي بتوصل للمناصب الإدارية بسهولة.
الأبراج اللي يتتوافق معها:
- برج الأسد- برج الميزان- برج الدلو.
الأبراج اللي مش بيتوافق معها:
- برج الثور- برج السرطان- برج الحوت.
مشاهير برج الجوزاء:
- محمود عبدالعزيز.
- محمد عبده.
- أحمد رمزي.
- عبد الحليم حافظ.
- أحمد مكي.
- مورجان فريمان.
- آيس كيوب.
وبكده تكونوا قدرتوا تعرفوا مواصفات رجل برج الجوزاء وبنتمنى إن مقالنا يكون عجبكم وقدرتوا تستفيدوا منه.
Loading ...
