تسجيل الدخول

رجاءا .. أدخلى البريد الالكترونى وكلمة المرور

كل المعلومات عن تسمم الحمل

في فترة الحمل دايماً بنسمع عن أمراض كتير ممكن تصيب الحامل من أشهرها تسمم الحمل وسكر الحمل، بس في مقالتنا دي هنكلمك عن تسمم الحمل وهنقولك كمان على كل المعلومات اللي تخصه.

(ايه هو سكر الحمل؟)

إيه هو تسمم الحمل؟

تسمم الحمل هو إضطراب في الجسم بيظهر في وقت متأخر من الحمل (بعد الإسبوع الـ 20) وبيكون عبارة عن إرتفاع مفاجيء في ضغط الدم وتورم في أطراف الجسم مع زيادة نسبة البروتين في البول “نسبة البروتين بتبان بشكل أوضح لما بيتعمل تحليل وده الدكتور بيطلبه منك مش إنتي اللي بتقرري”.

أعراضه:

  • تورم شديد في أطراف الجسم.
  • زيادة الوزن بشكل مفاجيء ومابيكونش ليه علاقة بزيادة الأكل.
  • كمان الصداع المستمر والزغللة في العين.
  • وإرتفاع ضغط الدم والإحساس بألم تحت الضلوع.

أسباب الإصابة بيه:

  • لحد الوقت ده أسباب تسمم الحمل الدقيقة مش معروفة، بس السبب الشائع لحد دلوقتي ليه الحمل بيحصل لما يكون في مشكلة ليها علاقة بالمشيمة والمشيمة دي بتكون الجزء اللي بيربط بين وصول الدم من الأم للجنين.

طيب إيه هي خطورته:

  • الخبر الحلو اللي لازم تعرفيه إن الستات اللي بيكونوا دايماً قبل الولادة متابعين حالة صحتهم كويس بالتحاليل والكشوفات المناسبة لكل مرحلة في الحمل لما بيصابوا بـ تسمم الحمل بيقدروا يكتشفوه بدري وبالتالي بيتعالج بنجاح كبير وده معناه إنك ضروري جدا تبقي منتظمة على متابعتك مع الدكتور ومتقوليش لأ مش هروح المرة دي ما أنا كويسة.
  • لكن برضوا لو متعالجش بشكل صح وأهملتي فيه ممكن يوصل لتشنج حملي ودي الحالة المتطورة من تسمم الحمل وبتكون أكتر خطورة منه وكل الأعراض فيها بتكون مضاعفة.
  • كمان عدم علاجه بتتسبب في مضاعفات تانية زي: الولادة المبكرة وهي من أكتر السلبيات اللي هتحصل نتيجة تسمم الحمل.
  • كمان نمو الجنين في الرحم مابيكونش بصورة طبيعية وبيبقى مش عارف ياخد راحته في الحركة وبيبقى مقيد وده طبعاً بيأثر عليه جداً.

إيه هي درجة انتشاره:

  • نسبة الحوامل اللي معرضين للإصابة بتسمم الحمل بتكون من 5 لـ 10 % ونص الحالات دي تقريباً بيكونوا أصلاً بيعانوا من إرتفاع ضغط الدم قبل الحمل.
  • كمان لو والدتك وهي حامل فيكي إتصابت بتسمم حمل أو حماتك وهي حامل في جوزك كان عندها برضه، يبقى خلي بالك لإنك معرضة بنسبة كبيرة جدا للإصابة بيه.
  • كمان الستات اللي بيعانوا من نقص فيتامينات (C-E) وكمان نقص في (الماغنسيوم) بيكونوا معرضين بصورة كبيرة للإصابة بيه.
  • الحوامل في توأم أو الحوامل فوق سن الـ 40 وكمان مرضى السكر والمصابين بإرتفاع ضغط الدم المزمن بيكونوا معرضين للإصابة أكتر من غيرهم.

علاج تسمم الحمل:

  • المتابعة والكشف المنتظم في كل مراحل الحمل أفضل حاجة تقدري بيها تكتشفي وجود تسمم حمل وتلحقي تعالجيه بدري وبسرعة.
  • لو تسمم الحمل عندك نسبته معتدلة فده معناه إن العلاج هيكون عبارة عن تغيير في نظام الأكل والتركيز على الأكل الصحي، كمان هتبدأي تلعبي شوية رياضة خفيفة ومناسبة للحمل وهتاخدي دوا خافض لضغط الدم وطبعاً الدكتور هيبقى فاهم في حالتك أكتر شوفي هيقولك إيه بس إوعي إنتي من نفسك تاخدي خافض لضغط الدم.
  • أما لو كان تسمم الحمل نسبته عالية يبقى لازم تفضلي مرتاحة في السرير ويكون في متابعة دقيقة لحالتك (احتمال كبير تكون في المستشفى).
  • بس لازم تبقي عارفة إن مفيش حاجة هتعالج تسمم الحمل بشكل نهائي غير الولادة، عشان كده لو كنتي مصابة بيه لازم تخلي بالك من صحتك لحد ما الجنين يكبر ويكون في الإسبوع الـ 37 عشان يتولد بصحة كويسة.

ودي كانت كل المعلومات المهم تعرفيها عن تسمم الحمل ومتقلقيش 97% من الستات الي بيتصابوا بتسمم حمل صحتهم بترجع طبيعية جداً بعد الولادة.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

لو البنطلون الجينز بتاعك لزق فيه لبان لفيه فى الفريزر لمدة ساعتين هتلاقى اللبانه اتجمدت وتقدرى تشليها بسهولة.