تسجيل الدخول

رجاءا .. أدخلى البريد الالكترونى وكلمة المرور

طريقة عمل سلطة التبولة اللبنانية

الأكل ما يكملش من غير سلطة حلوة مليانة خضار لذيذة ، هنحضر معاكي سلطة التبولة اللبنانية وهي ملكة السلطات الشامية ومشهورة جداً في لبنان وسوريا ، وفيها مكونات مفيدة للجسم لأن فيها خضروات ورقية بتحسن من كفاءة الجهاز المناعي ومفيدة للقلب والأوعية الدموية ، وكمان البرغل مفيد جداً لسلامة الجهاز الهضمي حيث يوجد فيه نسبة كبيرة من الألياف غير القابلة للذوبان ، فهي بتسهل مرور الطعام وبتحافظ علي صحة القولون وبتقلل من مخاطر الإصابة بسرطان القولون.

تعالي نشوف مع بعض مقادير وطريقة تحضير سلطة التبولة اللبنانية علي أصولها:-

المقادير:-

  • 3 حزم من البقدونس.
  • 5 حبات طماطم.
  • 4 أعواد بصل أخضر.
  • نعناع أخضر حسب رغبتك.
  • زيت زيتون .
  • نص كوباية برغل.
  • ملح وفلفل.
  • عصير ليمونة واحدة.
  • أوراق خس وشرائح ليمون للتزيين.

طريقة تحضير التبولة اللبنانية:-

اغسلي البرغل كويس جداً وصفيه ، وضفيله بعد كده عصير الليمون.

اغسلي البقدونس والنعناع وافرميهم بحيث يكونوا ناعمين جداً، بعد كده سبيهم يصفوا حوالي ساعة.

بعد كده قطعي الطماطم قطع صغيرة جداً، وكمان البصل الأخضر قطعيه برضه صغير جداً.

ضيفي البقدونس والنعناع والطماطم والبصل مع بعض وقلبيهم كويس وبعد كده ضيفي الليمون والبرغل وتبليها بالملح والفلفل وضيفي زيت الزيتون بكمية مناسبة حسب رغبتك.

وأخر حاجة ممكن تحطي في طبق ورق خس وتقدميها عليه وتزينيها بشرائح الليمون.

وديه كانت طريقة عمل التبولة اللبنانية لكن فيه طريقة تانية وهي إنك تستخدمي نفس المكونات بس هتضيفي 3 حزم سبانخ بدل البقدونس وتفرميها صغيرة جداً وبنفس الخطوات حضريها بكل سهولة وبالهنا والشفا.

وخلي دايماً طبق السلطة شئ أساسي علي سفرتك كل يوم لأنه مفيد جداً ليكي ولأسرتك وخاصة إذا كان عندك أطفال لأن الفيتامينات الموجودة في الخضار مهمة جداً لتكوينهم وبناء أجسامهم بصورة صحية.

يارب تكون وصفتنا من التبولة اللبنانية عجبتك تقدري تعمليها مع أي أكل أنتي بتحبيه وهتكون مفيدة ليكي ولأسرتك، لو عايزة تعرفي وصفة كمان من وصفات السلطات الشامية المميزة، شوفي مقالتنا طريقة عمل سلطة الفتوش ولو عندك اسئلة أو اقتراحات ابعتلنا وفريق عشانك هيرد عليكي.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.