تسجيل الدخول

رجاءا .. أدخلى البريد الالكترونى وكلمة المرور

المطبخ الهندي

طريقة عمل زلابية على الطريقة الهندية

معظمنا طبعاً بيحب الزلابية أو زي مابنقول عليها في معظم الدول العربية لقمة القاضي، في مقالتنا هنقولك على طريقة عمل زلابية على الطريقة الهندية المميزة خصوصاً إنها بتعتبر من الحلويات الشعبية المشهورة في الهند وطريقتها بتكون سهلة وبسيطة وتقدري تعمليها في البيت بدون أي مجهود وهنتعرف مع بعض على مكوناتها وطريقة تحضيرها ونتمنى إنها تعجبك.

المقادير:-

  • كوباية دقيق.
  • نص كوباية نشا.
  • معلقة سكر.
  • كوباية مايه.
  • نص كوباية زبادي.
  • معلقة خميرة.
  • زيت للقلي.
  • شربات.
  • 3 كوبايات سكر.
  • كوباية مايه.
  • نص معلقة فانيليا.
  • مايه ورد وزعفران وحبهان مطحون.

طريقة تحضير زلابية على الطريقة الهندية:

  • طريقة عمل زلابية هندية بتكون سهلة جداً وبسيطة، أول حاجة حضري الشربات ولو عايزة تعرفي طريقة تحضير الشربات تقدري ترجعي لمقالتنا اللي عملنا فيها طريقة تحضير حلويات الجولاب جامون
  • وبعدين هنجيب كل المكونات بتاعتنا اللي هي (الدقيق والنشا والسكر والمايه والزبادي والخميرة والفانيليا ومايه الورد والزعفران والحبهان المطحون ونخلطهم كويس مع بعض لحد ماتبقى عجينة طرية ولازم تكون العجينة سايبة (ناعمة) شوية ونسيبها ترتاح لمدة ساعة ولازم كل ربع ساعة تقلبيها عشان العجينة ميبقاش فيها فقاقيع.
  • وبعد كده هنجيب كيس أو إزازة كاتشب أو مسطردة قديمة يكون ليها رأس مدببة ونكون غسلينها كويس ونحط فيها العجينة بتاعتنا كلها.
  • وبعدين هنجيب طاسة ونحط فيها الزيت ولما الزيت يسخن نبدأ ننزل فيها العجينة من الرأس المدببة بشكل حلزوني.
  • وبعد ماتستوي هنطلعها من الزيت ونحطها في نفس الوقت في الشربات بعد ماتكون بردت.
  • أخر خطوة بقى هنعملها هي إننا هنشيلها من الشربات وهنصفيها ونسيبها شوية، بعد كده تقدري تقدميها بالهنا والشفا.

بكده تبقى وصفتنا خلصت وهي طريقة عمل زلابية على الطريقة الهندية وبنتمنى تجربيها لأنها من أشهى الحلويات اللي ممكن تعمليها وأسهلها ومش بتاخد منك وقت ولا مجهود وكمان مش مكلفة وهتلاقي كل مكوناتها متوفرة في المطبخ يعني مش هتبقي مضطرة تنزلي وتشتريلها مكونات معينة من أماكن معينة بالعكس في أي وقت هيجي في دماغك تعمليها لأسرتك هتعمليها وهتقدروا تستمتعوا بيها، مش بس كده كمان هي خفيفة أوي على المعدة.

جربيها وقوليلنا إيه رأيك فيها ولو عندك أي أسئلة أو اقتراحات ابعتلنا وإحنا هنرد عليكي في أقرب وقت ممكن.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

لو البنطلون الجينز بتاعك لزق فيه لبان لفيه فى الفريزر لمدة ساعتين هتلاقى اللبانه اتجمدت وتقدرى تشليها بسهولة.