تسجيل الدخول

رجاءا .. أدخلى البريد الالكترونى وكلمة المرور

طرق اختيار أشكال غرف سفرة مودرن

الديكور المودرن في السفرة إختيار مميز فعلاً وهيضيفلك لمسة بساطة ورقي وهيميز ديكور البيت اللي تقدري تعتبريه من ضمن أحلامك لأن كل جزء في البيت بيعبر عن شياكتك وذوقك، عشان كده جبنالك مجموعة من الأفكار اللي عن طريقها تقدري تختاري أشكال غرف سفرة مودرن بتصاميم أنيقة وعصرية.

كيفية اختيار غرف سفرة مودرن:-

  • تقدري تقولي بصفة عامة كده أو في معظم الأحيان إن الألوان أهم حاجة عند اختيار غرف سفرة مودرن، وأهم لونين “اللون الأبيض واللون الأسود” وده لإن اللونين دول من أكتر الألوان اللي ممكن جداً تعملي معاهم ديكورات مختلفة وتعملي فيهم تصميمات متميزة وتبقى واضحة فيهم أوي ومش معنى كده إن باقي الألوان مش مناسبة بالعكس في ألوان كتيرة أوي ممكن تعمليها في السفرة المودرن زي مثلاً اللون الموف بدرجاته زي اللي في الصورة كده.غرفة سفرة بنفسجي
  • بس زي ما إنتي عارفاه لازم هتلاقي اللون الأبيض جزء لا يتجزأ من الخشب، من ضمن مميزات السفرة المودرن إن تفاصيلها بتكون بسيطة ومفيهاش زحمة كتير يعني بمعنى أوضح بتلاقي التصميم بسيط جداً وفي نفس الوقت شيك واستايل وتقدري تستخدميها في أي مساحة سواء عندك الأوضة كبيرة أو صغيرة لأنه مناسب لجميع المساحات.غرف سفرة مودرن أبيض
  • ممكن تكون السفرة مكونة من 10 أو 8 كراسي وترابيزة السفرة نفسها طويلة أوي وده طبعاً محتاج مساحة واسعة عشان تقدري تحطي كل حاجة وماتنسيش إن ممكن يبقي فيه نيش، لكن النوعية دي من السفرة بتبقى محتاجة ديكورات بسيطة عشان هي أصلا كبيرة فأي ديكورات زيادة هتديكي مظهر مش حلو.غرف سفرة مودرن
  • وفي نوعية تانية خالص من السفرة المودرن واللي تعتبر من أحدث صيحات الموضة وهي إنك تجيبي مثلاً أربع كراسي وكنبة صغيرة كبديل لكرسين تانين ودي بقى هتبقى مناسبة أكتر لعشاق التميز زي اللي في الصورة دي.غرف سفرة مودرن
  • وفي نوعية تانية من السفرة المودرن اللي الترابيزة بتبقى فيها على شكل حلزوني أو متداخل في بعض وبأي لون تحبيه في الأبيض أو الخشب العادي اللي لونه بيج وبتبقى باقي الأوضة ألوانها متداخلة بين الأبيض والبيج اللي هو لون الخشب زي كده.غرف سفرة مودرن
  • من ضمن المعلومات المهمة اللي ضروري جداً تعرفيها عن السفرة المودرن إن لو هتجيبي نيش فبيكون مش كبير ولاعريض بس في نفس الوقت بيقضي إحتياجات بس طبعاً بشروط وأهمها إنك ماتشتريش حاجات زيادة عن إحتياجاتك وإنك في نفس الوقت تجيبي حجم الحاجات صغير وترصيه بشكل مناسب وذكي عشان يقضي كل حاجة زي اللي في الصور كده.غرف سفرة مودرن
  • وأخر حاجة عايزة أقولك عليها وإنتي بتختاري السفرة المودرن لازم يبقى في تناسق مع السجادة يعني مينفعش تختاري سجادة كلاسيك لازم تبقى مودرن.
  • الستاير كمان اختاريها شفافة أو قاتمة سادة عشان تبقى أفضل ولايقة أكتر مع استايلك المودرن.غرف سفرة مودرن

وبكده نبقى خلصنا مقالتنا عن كيفية اختيار غرف سفرة مودرن بطريقة مختلفة وتتناسب مع كل الأذواق، لو عندك أي أسئلة أو اقتراحات ابعتلنا وفريق عشانك هيرد عليكي في أقرب وقت ممكن.

 

 

 

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

لو البنطلون الجينز بتاعك لزق فيه لبان لفيه فى الفريزر لمدة ساعتين هتلاقى اللبانه اتجمدت وتقدرى تشليها بسهولة.