صفات امرأة برج القوس

امرأة برج القوس من أكتر الشخصيات الفضولية ودايما بتدور على اكتشاف كل حاجة جديدة وليها وجهة نظر فلسفية في الحياة ضيف على كده إنها بتعشق الحرية وبتحب التغيير ومستقلة جدا وبتحتاج المرونة في التعامل معاها يعني بترفض تماما إن أي شخص يآمرها بحاجة.

إمراة برج القوس يبدأ تاريخها من 24 نوفمبر لـ 23 ديسمبر.

تعتبر إمرأة برج القوس من الأبراج النارية.

الأحجار الكريمة اللي بتفضلها  “الفيروز – العقيق -الماس”.

الأبراج التي تتوافق معها (برج الحمل – برج الأسد)

(مواصفات إمرأة برج الحمل)

إمرأة برج القوس والحب:

دايما بتدور على الحب الحقيقي وبتتمنى إن الشخص اللي هتحبه يبقى بالنسبة ليها كل الحياة يعني الأخ والصاحب والحبيب وبتحتاج دايما من شريكها الصراحة والوضوح وبتكره الكذب ومش بتقبله أبدا في العلاقة.

في غالبية الأمور بتقع في الحب بسرعة لإنها رومانسية جدا وبتفضل الراجل اللي شخصيته قوية ويبقى هو المرجع بالنسبة ليها ويقدر يتحمل مسؤوليتها .

إمرأة برج القوس والعائلة:

تقدر تقول عليها ست بيت ممتازة ومن أكتر الستات اللي بتحافظ على نضافة بيتها وترتيبه ودايما بتسعى إنها تغير من ديكور البيت لإنها مقتنعة جدا إن التغير بيفرق جدا في الحالة النفسية.

وهي أم رائعة وحنينة جداً وعندها قدرة تعمل علاقة ممتازة بينها وبين أولادها لإنها بتهتم بيهم جدا في كل شيء مش بس كاتربية ومذاكرة بس بصفة عامة بتنزل لتفكيرهم وبالتالي بيحسوا إنها صديقة مش أم.

بتهتم جدا بشياكة أولادها وبإنهم يكونوا مختلفين وبتركز أوي إنها تزرع جواهم الأخلاق الكويسة والرحمة وأصول التعامل مع الأشخاص اللي حواليهم.

إمرأة برج القوس والعمل:

من أكتر الستات الطموحة وبتحدد هدف لنفسها وفي معظم الأحيان لازم توصله، متميزة جدا في أي مجال بتبقى فيه، مؤمنة جدا بالإستقلال المادي ومحبوبة أوي من كل أصدقائها في الشغل.

إمرأة برج القوس والأصدقاء:

هي صديقة صدوقة جداً للأشخاص اللي حواليها وجدعة أوي يعني يعتمد عليها في أي موقف ممكن تعرف تتصرف صح جدا وبتحب تجرب كل الجديد مع أصحابها لإنها فضولية أوي.

إمرأة برج القوس والموضة:

مش بتشغل تفكيرها أوي بأحدث صيحات الموضة لإن أهم حاجة عندها تلبس اللي يريحها وتحس إنه بيليق عليها وبتحب تلبس الألوان المميزة زي مثلا اللون المينت على الأصفر أو الروز على النبيتي لإنها دايما بتدور على الإختلاف، بتعشق الجمال الطبيعي عشان كده هتلاقيها مش بتحط ماكياج تقيل لإن هي مقتنعة إن الطبيعة أجمل.

ودي كانت أهم الصفات اللي بتتميز بيها إمرأة برج القوس في النواحي المختلفة في حياتها سواء في الشغل أو مع عيلتها أو في الحب.