تسجيل الدخول

رجاءا .. أدخلى البريد الالكترونى وكلمة المرور

سن المراهقة وهروب المراهقين من المدرسة

في سن المراهقة بنلاقي في بعض الأحيان إن كتير من الشباب والبنات بيهربوا من المدرسة وده طبعاً كنا بنقول أيام جدتي وجدتك إنه عشان عايز يحس إنه كبر وبنضحك ولحد دلوقتي بنقول كده بس في الواقع إن مش ده بس السبب الحقيقي اللي بيخلي المراهقين يهربوا من المدرسة.

لاحظنا في الفترة اللي فاتت إن كتير من الشباب والبنات في سن المراهقة بيهربوا من المدرسة وبقت ظاهرة منتشرة بصورة كبيرة وإنهم بقوا مش عايزين يتعلموا ولا يروحوا المدرسة، والظاهرة دي ليها أسباب كتير بس برضه ليها كذا طريقة تقدري تعالجيها بيها، والدكاترة والخبراء المتخصصين قالوا إن فيه كذا عامل أو سبب بيتعرض ليه المراهقين هي اللي بتخليهم يوصلوا للحالة ديي.

أسباب هروب المراهقين من المدرسة:-

  • الشباب والبنات في سن المراهقة بيبقى عندهم إحساس قوي جداً إنهم يشدوا الإنتباه ليهم وكمان عايزين يعيشوا روح المغامرة باستمرار ومن وجهة نظره إن هروبه من المدرسه هيحقق ليه ده في وسط اللي حواليه.
  • من الأسباب اللي المختصين قالوا عنها وبتخليهم يهربوا من المدرسة إن بيبقى عندهم قلق أو خوف شديد من الإمتحانات.
  • ممكن يكون فيه مشاكل كبيرة في البيت وعايزين يحسوا بتغيير، فبقرروا يهربوا من المدرسة ويخرج مع أصحابهم مثلاً.
  • أو ممكن يكون عندهم واجبات مدرسية كتيرة جداً وتقيلة فبيتهرب من إنه يروح عشان الحمل مايزيدش عليه ويبقى مضغوط أكتر.
  • الأصدقاء: سلاح ذو حدين ممكن جداً يبقوا سبب في نجاح أي شخص وممكن يبكونوا أهم أسباب الفشل، عشان كده ممكن جداً يكونوا هما اللي بيشجعوهم على فكرة الهروب من المدرسة.
  • أو يكون عندهم مشاكل نفسية وإجتماعية بتخليه مش عارف يتعامل مع الناس في المدرسة.
  • الظروف في البيئة المحيطة بيهم مش كويسة ومخلياهم كارهين إنهم يروحوا المدرسة فبيتهربوا منها، زي مثلاً إن صحابهم ما بيحبوش يقعدوا معاهم فيحسوا إنهم مكروهين وحاجات تانية كتير.
  • وأخطر حاجة وهي إنهم بيتعرضوا للضرب سواء سواء من صحابهم أو من المدرسين، دي برضه من الأسباب المهمة اللي ممكن تخليهم يهربوا من المدرسة في سن المراهقة.

كيفية علاج مشكلة هروب المراهقين من المدرسة:-

  • خلي أولادك يكسبوا ثقتك وأنتي كمان حاولي تكسبي ثقتهم عشان متخليهمش يحاولوا يخدعوكي ويخلقوا أعذار عشان يهربوا من المدرسة، بالعكس صاحبيهم إنتي والأب.
  • شجعي أولادك دايما وحفزيهم، بلاش تحبطيهم وتحقري منهم لو جابوا درجة مش عجباكي في امتحان مثلاً عشان ده بيبقى ليه الأثر السلبي عليهم لأن زي ما قولنالك قبل كده إنهم في سن المراهقة بيبقوا حساسين جداً.
  • لازم دايماً يبقى في مناقشات وحوارات بين الأبناء في سن المراهقة وبين الآباء عشان تعرفوا لو في أي مشاكل بتواجه أولادكم في المدرسة أو لو حاجة مضايقاهم في البيت.
  • حاولي تسألي في المدرسة الأساتذة المتخصصين لمناقشة المشاكل اللي بتحصل في الفصل وسلوكهم مع زمايلهم والأساتذة، كمان مفروض الأساتذة المتخصصين يهتموا بيهم ويعرفوا ايه اللي بيضايقهه وبيخليهه يتصرف بالشكل ده، فإهتمي تعرفي رأيهم باستمرار، كمان عشان تعرفي إذا كان عندهم مشاكل نفسية أو إجتماعية بتواجههم وبتخليهم عايزين يهربوا من المدرسة.
  • أوعي تشتموا أولادكم أو تهينيهم قدام زمايلهم أو المدرسين عشان مايفقدوش الثقة في نفسهم.
  • ودايماً قولوا ليهم إنهم الوحيدين  اللي بيتحملوا مسئولية تصرفاتهم وتأثيراتها على مستقبلهم، ده هيخليهم يتحملوا المسئولية أكتر ويروحوا المدرسة ويواظبوا على دروسهم ومذاكرتهم.

بكده هتحاولي تتجنبي المشكلة دي وخليكي فاهمة إن سن المراهقة مرحلة صعبة محتاجة منك شوية مجهود عشان تقدري تتخطيها من غير أي خساير وتحافظي على مستقبل أولادك.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

لو البنطلون الجينز بتاعك لزق فيه لبان لفيه فى الفريزر لمدة ساعتين هتلاقى اللبانه اتجمدت وتقدرى تشليها بسهولة.