تسجيل الدخول

رجاءا .. أدخلى البريد الالكترونى وكلمة المرور

المطبخ الإيطالي

تيراميسو لذيذ بطريقة سهلة وسريعة

ظهور أول تيراميسو في العالم كان في فترة الستينات في مدينة أو ولاية في إيطاليا، لكن الناس اختلفوا على الولاية أو المدينة دي بس الأكيد إنه ظهر خلال الفترة من 1960 لـ 1970 واتسجل المصطلح ده رسمياً في القاموس الإيطالي سنة 1980.

لو كنتي جربتي تاكلي تيراميسو قبل كده يبقى أكيد عرفتي إنه من أشهر الحلويات اللي بتتميز بنكهة وريحة القهوة، وهو عبارة عن طبقات من البسكويت والكريمة وعليهم بودرة كاكاو من فوق ونكهة القهوة بتضاف خلال التحضير، الطباخين في الأصل كانوا بيعملوا تيراميسو في صواني مدورة لكن مع الوقت وبسبب كمان البسكويت الناس بقت بتفضل تعمله في صواني مستطيلة أو مربعة، وفيه كمان ناس بتحب تعمله في سلطانية زجاج عشان تبين الطبقات اللي بيتكون منها كل طبق تيراميسو، اللي هي (الكريمة، البسكويت والكاكاو)

فيه طرق كتير جداً ممكن يتعمل بيها تيراميسو لذيذ، بس كل واحد بيفضل طريقة حسب الطعم اللي هو بيحبه وإذا كان مهتم يتحكم في كمية السعرات الحرارية الموجودة فيه ولا مش فارقة، الطريقة اللي اختارناها المرة ديه سعراتها الحرارية قليلة جداً بالنسبة لبقية الوصفات وميزتها كمان إنها من أسرع الحاجات اللي ممكن تعمليها لما تتفاجئي بضيوف جايين البيت أو يكون عندك مناسبة وعايزة تعملي حاجة جديدة في البيت وفي نفس الوقت ماتاخدش منك مجهود ولا وقت.

هنعمل مع بعض تيراميسو سهل وطعمه حلو بطريقة بسيطة وسهلة جداً وسريعة في نفس الوقت لأنها مش هتاخد منك أكتر من تلت ساعة بالكتير وبعد كده هنحطه في التلاجة لما نخلص، تعالي في الأول نشوف المقادير اللي هنحتاجها وبعدين نشوف هنعمله إزاي:

مقادير الوصفة:

  • علبتين بسكويت سادة.
  • معلقتين صغيرين نسكافية.
  • كيس لبن بودرة.
  • كيس كريم شانتيه.
  • 1/2 كوباية ميه سخنة.
  • كاكاو.

طريقة وخطوات عمل تيراميسو سهل وسريع:

  • الوصفة ديه بتتكون من أربع طبقات، طبقتين بسكوت وطبقتين كريمة.
  • الأول هتضربي الكريمة مع اللبن البودرة في طبق صغير لحد مايبقوا خليط متجانس.
  • حطي على النسكافية مايه سخنة في طبق صغير وقلبيه لحد مايدوب.
  • دلوقتي هنستخدم نص كمية البسكويت بس، هناخد واحدة ورا التانية ونسقيهم في النسكافيه لمدة ثواني عشان البسكويت يطرى شوية وياخد نكهة النسكافيه.
  • رصي قطع البسكويت المبلولة بالنسكافيه في صينية بايركس ورتبيهم بشكل كويس لحد ماتخلصي الكمية، بعدين افردي فوقيهم طبقة سميكة شوية من الكريمة لحد ماتغطيهم تماماً.
  • كرري عملية التغميس بالكمية الباقية من البسكويت ورصي كل قطعة فوق طبقة الكريمة اللي عملناها لحد ما البسكويت يغطيها، وبعد كده افردي عليهم الطبقة التانية من الكريمة اللي فاضلة.
  • في الآخر رشي الكاكاو فوق طبقة الكريمة وحطي الصينية في الثلاجة لحد ما يبرد وقدمي أحلى طبق تيراميسو ساقع.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.