تسجيل الدخول

رجاءا .. أدخلى البريد الالكترونى وكلمة المرور

تجهيز شنطة شهر العسل في خطوات بسيطة

شهر العسل من أحلى الفترات اللي بتمر بيها العروسة وطبعاً بيبقي مليان لحظات جميلة في حياتها مش ممكن تنساها، بس بسبب الضعوط النفسية والتجهيزات اللي بتبقى فيها العروسة قبل الفرح سواء تجهيزات في بيتها أو اهتمامها بنفسها في حاجات كتير بتنسى تاخدها معاها وهي رايحة تقضي شهر العسل، عشان كده هنحاول نقولك على كل حاجة هتحتاجيها في تجهيز شنطة شهر العسل لأنها مهمة جداً.

الملابس اللي هتحتاجيها في تجهيز شنطة شهر العسل:-

  • قبل ماتحطي ملابسك في الشنطة شوفي جو البلد اللي أنتي رايحة تقضي فيها شهر العسل برد ولا حر عشان تحددي نوعية الملابس اللي هتحتاجيها إذا كانت تقيلة أو خفيفة وفيه مدن جوها بالليل بيبقي برد فممكن تحتاجي تاخدي ملابس تقيلة وخفيفة مع بعض.
  • طبعاً تخلي بالك إنك ما تنسيش الأوراق المهمة زي مثلاً البطاقة والباسبور لو مسافرين بره البلد والقسيمة أو العقد المؤقت، لأنهم طبعاً مهمين جداً.
  • خدي بيجمات وقمصان نوم كتير قصيرة وطويلة تكفيكي على عدد الأيام اللي هتقعديها هناك ونوعي فيها براحتك.
  • ما تنسيش كمان الملابس الداخلية تكون قطن.
  • جيبات قصيرة وشورتات.
  • مكواة صغيرة يكون حجمها خفيف عشان لو في ملابس اتكرمشت.
  • كاميرا لأن كل لحظة بتعدي بتبقي لحظة مميزة وجميلة فلازم تصويرها عشان ما تنسهاش أبداً، وأولادكوا في المستقبل يتفرجوا عليها.
  • مهم أوي إنك تحطي الملابس اللي ممكن تتكرمش بسرعة في آخر الشنطة عشان تفضلي محافظة على شكلها اطول فترة.
  • لو أنتي محجبة خدي معاكي طرح كتير شكلها حلو عشان تغيري فيهم براحتك.
  • لفي الأحذية في أكياس بلاستيك وحطيهم فوق الشنطة لو مش حاحبة تشيلي شنط كتير أو ممكن بعد ما تلفيهم بالأكياس البلاستيك حطيهم في شنطة لوحدهم.
  • مايوه، طبعاً عشان ممكن تنزلي البحر او البسين.
  • فوط ناعمة.
  • خدي معاكي فستان سواريه أو إتنين عشان لو خرجتوا في عشا رومانسي بالليل.
  • صندل سواريه.
  • حطي كمان دوا للبرد ومسكن للصداع وبلاستر طبي وقطن عشان الجروح، خلي الحاجات دي معاكي احتياطي لأي ظرف.
  • علبة صغيرة فيها إبرة خياطة وكام خيط.

الأدوات الشخصية:-

  • واقي شمس(sun block) عشان طبعاً هتخرجي في الشمس كتير.
  • كريم مرطب للبشرة عشان يحميها من الجفاف.
  • منظف لبشرتك.
  • شامبو وبلسم وشاور جل و ليفة.
  • سكراب للجسم.
  • فرشاة أسنان ومعجون.
  • الماكياج اللي متعودة تحطيه في يومك الطبيعي يعني ماتخديش معاكي العلبة كلها، خليكي بسيطة عشان اللوك بتاعك يطلع حلو.
  • شوية اكسسوار بسيط يعني كام خاتم على كام حلق وسلسلة صغيرين، لو محجبة خدي معاكي دبابيس طرحة يبقى شكلها شيك وحلو.
  • برفان أو إتنين يكونوا ريحتهم حلوة وخلي بالك إن نوع البرفان اللي هتاخديه هيرتبط معاكي أنتي وزوجك بذكريات جميلة، عشان كده إختاري أنواع شيك جداً وتبقي متأكدة من إنها مش هتسببلك حساسية أو مشاكل في جلدك.
  • فرشاة شعر وكام توكة شكلهم حلو.
  • استشوار أو مكواة للشعر.
  • ماكينة إزالة الشعر.
  • نضارة شمس.
  • قصافة ومبرد ضوافر وملقاط ومقص صغير.
  • ألوان المانيكير اللي بتحبي تحطيها.

دي الحاجات اللي تقريباً هتحتاجيها في تجهيز شنطة شهر العسل وحاولي تحضريهم من بدري يعني مثلاً قبل الفرح بأسبوع عشان ماتنسيش منهم حاجة وماتقوليش لنفسك دول حاجات كتير بالعكس أنتي عروسة والحاجات دي مهمة ليكي جداً وهتستخدميها، عشان زي ماقولتلك شهر العسل عمرك ماهتنسيه أنتي وزوجك فلازم تخليه مميز وتستمتعي بكل لحظة فيه.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.