تسجيل الدخول

رجاءا .. أدخلى البريد الالكترونى وكلمة المرور

العناية باليدين للعروسة

اليدين زي أي جزء من الجسم بتحتاج طبعاً لعناية واهتمام عشان ماتفقدش جمالها وكمان عشان اليدين أكتر جزء في جسمك معرض لأشعة الشمس وبتستخدميها في كل حاجة سواء في التنضيف أو غسيل الأطباق وحاجات كتير جداً ممكن تضرها، طبعاً عشان أنتي عروسة العناية باليدين مهمة جداً عشان تفضلي دايماً عندك ثقة في نفسك وتفضلي محافظة على إيديكي ونعومتها.

نصائح مهمة للعناية باليدين:-

  • من أول خطوات العناية باليدين إنك تعودي نفسك دايماً وأنتي بتطبخي أو بتنضفي أو بتعملي أي حاجة في البيت إنك تلبسي جوانتي عشان ماتعرضيش إيدك لأي أضرار كيماوية.
  • وأنتي بتغسلي إيدك بلاش مايه ساقعة أوي ولا سخنة أوي، اغسليها دايماً بمايه فاترة عشان ممكن تتعرض للجفاف نتيجة المايه الساقعة أو السخنة.
  • اعملي تمارين لإيديكي عشان تخلي دايماً شكلها صحي عارفة إزاي؟ اققفلي إيدك جامد وبعدين افتحيها وافضلي اعملي كده كذا مرة، ممكن برضه تتني صوابع إيدك لجوه كذا مرة، التمارين دي هتساعدك جداً في العناية باليدين وهتخليكي محافظة على نعومتها.
  • استخدمي مقشر للبشرة (اسكراب) 3 مرات في الاسبوع عشان تشيلي الجلد الميت اللي بيخلي شكل إيديكي أكبر من سنها ولونها غامق.
  • من الخطوات المهمة في العناية باليدين إنك تحطي عليها واقي شمس(sun block) وأنتي خارجة الصبح عشان تحافظي على لونها.
  • استخدمي كريم مرطب يومياً عشان تحافظي على نعومة إيديكي وشبابها خصوصاً قبل ماتنامي عشان تبقي ضامنة إنك مش هتغسليها أو هتعملي أي حاجة عشان الكريم مايتمسحش.
  • بلاش تستخدمي أنواع صابون مش معروفة عشان في الغالب نسبة الكيماويات فيها بتكون كبيرة وبكده هتعرضي إيديكي للجفاف.
  • لازم تشربي 8 كوبايات مايه على مدار اليوم عشان تحافظي علي نعومة جلدك وحيويته.
  • لازم تهتمي إنك تزودي الخضار والفاكهة في أكلك عشان الأكل الصحي هيخلي بشرتك في العموم فيها نضارة وشباب.
  • طبعاً الأظافر جزء مهم من اليدين ولازم تهتمي بيهم عشان شكلهم بيفرق جداً في جمال إيديكي، عشان كده لازم تحافظي عليهم من إنهم يتكسروا أو يبقى شكلهم مش صحي.
  • كمان بعد ماتشيلي أي مانيكير من على أظافرك، ادهنيهم مع إيدك بزيت زيتون عشان ترطبيهم وتمنعي تقصف الأظافر وتحافظي عليهم من أضرار المواد الكيماوية الموجودة في المانيكير.
  • ماتستخدميش أظافرك في فتح أي علبة مش عارفة تفتحيها عشان أنتي كده بتضريها لأنها ممكن جداً تتكسر وتتقصف.

العناية باليدين زي ماقولنا حاجة مهمة جدا لأي ست مش بس العروسة، حاولي تلتزمي بالنصائح اللي قولنا عليها دي عشان تفضلي دايماً محافظة على جمال إيديكي ونعومتها، وعشان أنتي عروستنا ولازم تبقي كل حاجة فيكي جميلة وجذابة شوفي مقالتنا العناية بالقدم للعروسة.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.