تسجيل الدخول

رجاءا .. أدخلى البريد الالكترونى وكلمة المرور

اسباب تقشر الوجه وعلاجه

كتير بنلاقي بشرتنا عليها قشور بيضا ومش بنبقي عارفين ديه من ايه ، وبتبقي مشكلة لما بنبقي عايزين نحط مكياج عشان بيتراكم عليها وبيبقي شكله مش حلو ، تعالي نشوف ايه اسباب تقشر الوجه ونعالجه إزاي!!

اسباب تقشر الوجه:-

– بيكون السبب جفاف البشرة بسبب نقص كمية المايه والسوائل في الجسم.

– بسبب تغيير الجو زي في الشتا بتكون البشرة معرضة أكتر لظهور قشور عليها.

– ممكن كمان تكوني مش بتاكلي خضار وفاكهة كتير فبتكون البشرة محتاجة للفيتامينات والمعادن والألياف الموجودة في الخضار والفاكهة.

– ممكن كمان تكوني بتستخدمي مستحضرات تجميل أوغسول للوجه مش مناسب لبشرتك وده طبعا بيسبب جفاف البشرة وبالتالي تقشرها.

– والتعرض لأشعة الشمس باستمرار بيقلل إنتاج الكولاجين فبيسبب جفاف البشرة وبتفقد حيويتها.

– كمان التقدم في السن بيقلل إنتاج الكولاجين  فبتفقد البشرة الزيوت الطبيعية الموجودة فيها ويظهر قشور بيضا علي البشرة ، وعشان تحافظي علي بشرتك من علامات تقدم سن البشرة شوفي مقالتنا خلطات طبيعية للتقليل من علامات تقدم سن البشرة 

– الإصابة بمرض السكري بيفقد الجسم السوائل اللي فيه فبالتالي بيسبب جفاف البشرة وتقشرها.

– الإصابة بمرض جلدي زي الاكزيما أو الصدفية.

– غسيل الوجه مايه سخنة بيسحب من البشرة الزيوت الطبيعية فبالتالي هيسبب جفاف البشرة وتقشرها.

بعد ما عرفنا اسباب تقشر الوجه هنقولك علي نصايح وخلطات طبيعية لعلاجه:-

– لازم تشربي مايه كتير كل يوم بمعدل 8 كوبايات يومياً وأكتر في الصيف.

– استخدمي مايه دافية لما تغسلي جهك.

– قللي علي قد ما تقدري من استخدام مستحضرات تنظيف الوجه وممكن تسبتدليها بالمستحضرات الخاصة بالأطفال لأن المواد الكيماوية بتكون فيها قليلة.

– اعملي مرة أو مرتين في الاسبوع تقشير للبشرة لإزالة الجلد الميت وتجديد خلايا البشرة ، وأحسن حاجة تستخدمي مقشرات طبيعية زي ما اتكلمنا قبل كده في مقالتنا وصفات طبيعية لتقشير البشرة.

– لو هتخرجي في الشمس استخدمي كريم واقي الشمس عشان تحمي بشرتك من الأشعة فوق البنفسجية.

خلطات طبيعية لـ علاج تقشر الوجه:-

الفازلين أحسن علاج لتقشر الوجه وممكن كمان تضفيله الليمون والملح ، وتسبيه علي وجهك لمدة ساعة مثلا وافضلي دلكي وجهك لمدة 5 دقايق ، وديه أسرع خلطة لعلاج تقشر الوجه وترجع لوجهك حيوته ونضارته.

الرز المطحون مع ماء الورد
اخلطيهم وسبيهم علي بشرتك لمدة نص ساعة مع التدليك.

كمان ممكن تعملي كريم طبيعي تستخدميه في أي وقت:
مكوناته: معلقتين من شمع العسل
معلقتين جل الصبار
معلقتين من زيت جوز الهند
معلقتين من زيت اللوز الحلو
معلقتين من زيت الزيتون
معلقة جلسرين
بعد ما تسيححي شمع العسل ضفيله باقي المكونات وبعد كده حطيه في علبة معدنية أو زجاجية وسبيه يبرد هيبقي قوامه كريمي ، استخدميه مرة الصبح ومرة بالليل هيالج جفاف البشرة وتقشرها وهيجدد الخلايا وكمان الزيوت مفيدة لتنعيم البشرة وترطيبها.

زيت الصبار
بتدلكي بيه بشرتك ، مفيد جداً للبشرة وفعال في علاج تقشرها.

العسل
حطي العسل علي بشرتك وسبيه لمدة 45 دقيقة ، وبعد كده اشطفي وجهك بمايه دافية ، فهو مفيد جداً لترطيب البشرة وإزالة تقشرها.

لازم تهتمي ببشرتك كل يوم وتحافظي عليها من الجفاف اللي ممكن يسبب ظهور علامات تقدم سن البشرة بسرعة ، وضروري يوميا تستخدمي كريمات ترطيب زي الفازلين وكريمات الأطفال أو الخلطات الطبيعية اللي اتكلمنا عليها في مقالتنا انهارده عشان تفضل بشرتك جميلة ومليانة حيوية.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

لو البنطلون الجينز بتاعك لزق فيه لبان لفيه فى الفريزر لمدة ساعتين هتلاقى اللبانه اتجمدت وتقدرى تشليها بسهولة.