تسجيل الدخول

رجاءا .. أدخلى البريد الالكترونى وكلمة المرور

أحدث صيحات موضة ربيع 2018

الربيع (فصل الألوان) من أجمل فصول السنة اللى كلنا بنحبها ، عشان بنبدأ نلبس فيه ألوان كتير وفاتحة وحاجات خفيفة غير فصل الشتاء ، وكل موسم بيكون فيه استايلات جديدة وأشكال مختلفة ، تعالى نشوف مع بعض ايه هى آخر صيحات موضة ربيع 2018.

البنطلونات الواسعة والطويلة جداً

من أحدث صيحات موضة فصل الربيع واللى هتمدد معاكى لفصل الصيف ، بتكون مريحة جداً وخفيفة لو عندك مشاوير كتير هتساعدك تتحركى براحتك علي عكس الـ بناطيل الجينزاللي ممكن تقيد حركتك ، وكمان تقدرى تلبسيها مع لبس كاجوال أو في المناسبات الرسمية على جاكيت أو بليزر ولو كنتى محجبة تقدرى توفقيها مع لبسك وهيكون شكلها شيك جداً وعلي الموضة.

الأكمام الطويلة جداً

مع موضة الأكمام الطويلة جداً تقدرى تلبسى بلوزة أو قميص بالأكمام الطويلة وتغطي كف ايدك ، تقدرى تلبسيها على بنطلون جينز أو علي جيب قصيرة أو طويلة لو كنتي محجبة وهتكون حلوة جداً واستايل جديد ومختلف وممكن كمان مع فستان قصير أو طويل كاجوال.

فساتين بكتف واحد

انتشرت جداً موضة الفساتين بكتف واحد بحيث يكون الموجود كم واحد طويل أو قصير أو كات ، ولو كنتى مش محجبة هيكون مناسب جداً الشكل ده معاكى ، وكمان بتكون كاجوال وخفيفة وريحة تقدرى تلبسيها في أي وقت وفيه منها كمان سواريه تقدرى تلبسيه في المناسبات.

فساتين تل

رجعت تاني موضة الفساتين التل لربيع وصيف 2018 علي شكل فساتين منقوشة بلون واحد أو علي هيئة تدريجات لونية مختلفة للون واحد ، ممكن لو عندك سهرة أو فرح تلبسيها هيكون تغييير وشكل جديد.

مع دخول فصل الربيع بنبقى متلخبطين في اللبس ومش عارفين نلبس ايه وايه هو اللبس المناسب للجو ، عشان كده هقولك علي نصائح تساعدك.

نصائح بسيطة مع دخول فصل الربيع:

  • أول حاجة اختارى بلوزات قطنية خفيفة أو من الكتان الخفيف وتكون بكم أو ثلاثة أرباع عشان تناسب الجو لأن بيكون الجو لسه مش حر.
  • اختارى ألوان مبهجة وفاتحة زي ألوان الباستيل الناعمة أو أي ألوان مشرقة ومليانة بالحيوية زي الأصفر والفوشيا والأخضر والبرتقالي والأزرق وكل الألوان ديه مع الأبيض بتدى إحساس إنك زي الزهور اللي بتتفتح في فصل الربيع.
  • كمان اختارى البلوزات المطرزة بالزهور أو المطبوعة عليها عشان تناسب جو الربيع.
  • وممكن كمان تجربى التونك اللي بيكون قبل الركبة بشويه بكم أو ثلاثة أرباع وكمان يكون قطن بألوان فاتحة عشان يناسب الجو ويديكي إحساس بالراحة.
  • ولو عندك مشاوير بالليل ما تنسيش تاخدي معاكي جاكيت خفيف عشان مع بداية فصل الربيع بيكون لسه الجو برد بالليل ، اختاري جاكيت خفيف الوزن عشان يحميكي من برودة الجو أو من الأمطار الخفيفة في الربيع عشان تفضلي مرتاحة ودفيانة وممكن تجيبي الجاكيت بألوان فاتحة وهادية عشان تناسب موسم الربيع.
  • بيكون حلو أوي لو فيه في دولابك جيبة أو فستان مشجرة بألوان فاتحة ومبهجة ، بتكون مناسبة جداً لجو الربيع وهتخليكي حاسة دايماً بحيوية ونشاط.
  • كمان اختيارك للأحذية بيكون مهم جداً وبيفرق في شكل اللبس ، فمع بداية فصل الربيع استبدلى الأحذية التقيلة المقفولة بالصنادل أو أحذية البالرينا لأنها هتكون مناسبة لجو الربيع وهتديكي إحساس بالخفة والنشاط أو ممكن تلبسى أحذية مقفولة خفيفة عشان تحافظي علي رجليكي من الأمطار اللي بتكون في بداية فصل الربيع.

في الربيع هتلاقي موديلات كتير أووي وألوان مختلفة ومبهجة جربي واختاري المناسب ليكي وما تتردديش إنك تغيري استايل لبسك وتجربي استايلات جديدة وعلي الموضة وتكون مناسبة لو كنتي محجبة وعشان تسهلي علي نفسك الاختيار شوفي مقالتنا نسقي لبسك من دائرة الألوان زى المحترفين.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.