أهمية الرياضة للأطفال وفوائدها

طبعاً للرياضة فوائد كتير للجسم وخاصة للأطفال لأنها بتخرج من أجسامهم الطاقة السلبية وكمان بتخلصهم من السلوك العدواني، هنتكلم معاكي في مقالتنا عن أهمية الرياضة للأطفال وكمان هنقولك إزاي بتأثر على جسم الطفل بتأثير إيجابي.

فوائد الرياضة للأطفال:

طبعاً فوائد الرياضة ليهم كتير لأنها مش بس بتفيد الجسم لكن هي كمان بتفيد العقل:

• بتساعد الطفل على إنه يبقى عنده قوة شخصية.
• زيادة ثقة الطفل بنفسه.
• وكمان بتخليه يتعلم المشاركة واللعب بروح الفريق الواحد وكمان بتساعده على الصبر، بس لازم تخلي بالك من إنك تلاعبي طفلك الرياضة اللي هو بيحبها عشان مايحسش بالملل، ويفضل كمان إنك تبعدية عن الألعاب العنيفة.
• بتساعد على شد جسم الطفل وبتزود من مورنة الجسم وكمان بتقلل من التعب والإجهاد والتوتر، وكمان هتساعد طفلك على فتح شهيته لأن طبعاً في أطفال كتير بتتعبالأم عشان ياكلوا وجباتهم اليومية، وده هيساعدهم على التركيز في أي حاجة هما بيعملوها وهتخليهم بيتحركوا من غير خمول أو كسل.

تأثير الرياضة على صحة الطفل:

طبعاً معرف عن الرياضة إنها بتأثر على صحة الجسم بشكل إيجابي، فمن أهمية الرياضة للأطفال أنها بتساعدهم على تقوية عضلات القلب وتحسين كفاءة التنفس وكمان بتساعد الأطفال على محاربة السمنة وكمان بتساعد على تنشيط الدورة الدموية.

لعب الرياضة للأطفال قبل المدرسة:

حاولي تخلي طفلك ينتظم على لعب الرياضة في المرحلة قبل دخولة المدرسة لأنه في الوقت ده بالتحديد الطفل بيبني شخصيته، وكمان عشان يتعود على التعاون مع غيره من الأطفال ومايتعودش على العزلة والهدوء وكمان يبعد عن السلوك العنيف والعدواني.

أنواع الرياضة للأطفال:

• خلي بالك إنك لازم تختاري نوع الرياضة للأطفال المناسبة لشخصيتهم يعني مثلاً إذا عندك طفل خجول يبقى يفضل إنك تختاري لعبة زي الكاراتيه عشان يتعلم الدفاع عن نفسه.
• أما بقى إذا عندك طفل بيحب الطبيعة والإنطلاق فممكن تعلميه ركوب الخيل أو ركوب العجل ومن الرياضة المفيدة جداً للأطفال هي السباحة.
• وكمان مش عايزين ننسى نقولك إن يفضل إنك تخلي أطفالك يلعبوا رياضة في سن صغير وكل ما تبدأي بدري في كل ما كان أفضل.
• وخلي بالك إذا عندك أطفال أقل من سن الأربع سنين يفضل إنهم يلعبوا أربع ساعات بس في الإسبوع وكمان يفضل إنها تكون تحت إشراف خبير في الرياضة.

وكده نبقى خلصنا معاكي مقالتنا وإتكلمنا فيها عن أهمية الرياضة للأطفال، بنتمنى إن مقالتنا تكون عجبتك وإذا عندك أي سؤال ممكن تبعتلنا وفريق العمل هيرد عليكي في أقرب وقت ممكن وإذا عايزة تعرفي إيه هي الأكلات المفيدة لطفلك ممكن ترجعي لمقالتنا أهم النصائح في تغذية الطفل.