تسجيل الدخول

رجاءا .. أدخلى البريد الالكترونى وكلمة المرور

هو وهي

أحسن طرق اهتمام الزوجة بالزوج

طبعاً كل بنت بتبقى بتحلم بالزوج الصالح اللي هيبقى سند ليها في الحياة وكمان يبقوا مشتركين في كل حاجة في حياتهم سواء خير أو شر بس لازم طبعاً تبقي عارفة إن الجواز مسئولية ولازم تبقي عارفة إن الزوجة زي ما ليها حقوق عليها واجبات، فتعالي نقولك من خلال مقالتنا طرق اهتمام الزوجة بالزوج وإزاي تقدري تقومي بواجبك تجاه زوجك.

طرق اهتمام الزوجة بالزوج:

هنقولك على النصائح اللي تقدري من خلالها أنك تهتمي بزوجك:-

  • أول حاجة هي إنك لازم طبعاً تبقي مهتمة بصحتك عشان تقدري تهتمي كويس بشئون الزوج والبيت، وطبعاً لازم تخلي بالك دايماً من نضافة بيتك وتحافظي على إنه يبقى ريحته جميلة كل يوم قبل زوجك ما يرجع من شغله، عشان يحس بالراحة في البيت ويحب يقضي الوقت في البيت ومايقضيش أغلب وقته بره.
  • لازم تهتمي بنضافة هدوم زوجك وتغسليها وتكويها من غير ما تركنيها وقت طويل وبرضه لازم تخلي ريحها جميلة دايماً.
  • ومن الحاجات المهمة هي إنك تعملي ليه مفاجأة بالأكل اللي هو بيحبه بنفسك وتزينيه بطريقة جميلة وكمان بعد الأكل توفري ليه جو من الهدوء عشان يقدر يستريح بعد يوم شغل طويل.
  • ولازم طبعاً تبقى حريصة على أنك ماتستقبليهوش وهو لسة راجع من شغله بالشكوي من مشاكل الأولاد أو تتكلمي معاه في مواضيع كتير، لكن حاولي تستقبليه بكلام جميل وتديله فرصة للراحة من تعب الشغل، وبعد ما يستريح ممكن تبدأي بالكلام معاه بس إختاري موضوع واحد بس تتكلمي فيه وبلاش تتكلمي في كل المواضيع في نفس الوقت.
  • حاولي إنك لما تلاقيه متعصب من أي حاجة ماتجادليهوش كتير عشان مايتعصبش أكتر لكن لازم تحافظي على هدوئك وكمان تحاولي إنك تهديه.
  • خالي بالك من إنك مينفعش تستقبليه بلبس شكلة مش حلو لكن حافظي على مظهرك إنه يكون كويس دايماً باستخدام مكياج بسيط وتسريحة شعر حلوة.
  • ماتحوليش تطلبي منه طلبات كتير ولازم تقدري إذا كانت ظروفه تسمح بإنه يجبلك كل طلباتك ولا ماتسمحش وبلاش دايماً تحسسيه إنه مقصر مهما عمل عشان مايحسش بالملل من البيت، بالعكس إنتي دايماً لازم تمدحيه وتشكريه على أي حاجة هو بيعملها عشان يحس بتقديرك ليه.
  • وأهم حاجة بقي نحب ننصح بيها كل زوجة هي إنها لازم تخلي علاقتها كويسة جداً بأهل الزوج لأنها كده هتتجنب كتير من المشاكل الزوجية وكمان هتكسب حب زوجها ليها أكتر، لكن إذا العلاقة مش حلوه بينك وبين أهل الزوج ده ممكن يتسبب في مشاكل توصل للطلاق وممكن ترجعي لمقالتنا الأسباب التي تؤدي للطلاق عشان تتفدي المشاكل.

وبكده نبقى خلصنا مقالتنا واتكلمنا معاكي فيها على أحسن وأبسط طرق اهتمام الزوجة بالزوج، بنتمنى أن مقالتنا تكون عجبتك ولو عندك أسئلة أو اقتراحات ابعتلنا وفريق عشانك هيرد عليكي.

اشتركى

الكلمات الدلاليه

أرضيات باركيه أكسسورات أكسسورات للبنات أكسسورات للجامعة أكلات أكلات ايطالية ابراج اتيكيت احلام الأمومة الابراج الاكل الصحي البشرة الجافه البوتكس البيت البيتزا السريعة التاتو الحمل الحياة الزوجية الرؤيا والحلم الزوج العصبي الزوج العنيد الصحة والجمال الصراخ في الحلم الطفل الرضيع الطفولة العناية بالشعر المطبخ الايطالي المطبخ الهندي الموضة امرأة برج الثور امرأة برج القوس امراة برج السرطان انواع الابراج برج الأسد برج الثور برج الجوزاء بيتزا بيتزا الكواترو تشيز بيتزا بالمشروم والسلامي تفسير الاحلام تنظيف السيراميك تنظيف غسالة الاطباق توافق الأبراج توافق الابراج توافقات الابراج حرقان المعدة حلويات حلويات يونانية دعوة الفرح ديكور رجل برج الثور رجل برج العذراء رجل برج الميزان زلابيا هندية زواج سلطات سلطة الطماطم المخللة سمك فيلية سمك مشوي شوربات شوربة العدس صفات الابراج صينية الباذنجان طريقة عمل الشوربة طريقة عمل اللازانيا طريقة عمل صينية الباذنجان عالم الموضة عصائر علاج مشاكل البشرة علامات تقدم سن البشرة علم الفلك غرفة المعيشة فراخ بالصوص كريم الاساس ماكياج مرحلة المراهقة مستلزمات المطبخ مشروبات جديدة مشروبات سهلة مطبخ مطبخ ايطالي مطبخ ايطالي بيتزا الكب كيك مكتبات منزلية هو وهي

الصور

تصويت

بتحبى السمك مشوى ولا مقلى؟

أظهر النتائج

Loading ... Loading ...

أحدث المواضيع

أسباب فتور العلاقة الزوجية وحلول للتخلص منها

فتور العلاقة الزوجية من المشاكل اللي بيعاني منها شريحة كبيرة جداً ....

مظاهر وأسباب عصبية الاطفال

في أمهات كتير بتعاني من مشكلة عصبية الاطفال ومش بتبقى عارفه إزاي ....

تفسير الثلج في المنام

معاني الأحلام وتفسيراتها بتتغير من شخص للتاني، حسب أسلوب حياة كل ....

علاج الشعر المتقصف للعروسة بوصفات طبيعية

بنات كتير بتعاني من مشكلة الشعر المتقصف وطبعاً لو فيه عروسة وفرحه ....

الحفاظ على الوزن خلال فترة الحمل

ستات كتير جداً في فترة الحمل بيخافوا على نفسهم من زيادة الوزن وبي ....

نصيحة اليوم

ممكن تعصري الليمون على اسفنجة وتسيبيه في التلاجة يوم لأنه من الزيوت العطرية اللي هتخلي تلاجتك ريحتها حلوة على طول، كمان القرنفل هيشيل أي ريحة مش ظريفة في الثلاجة ومش هيكرف على الأكل ولا الليمون كمان.